遵義

door第一次識遵義呢, 自然係聽老爸講中共歷史上的遵義會議。據說果次會議後確立咗毛主席路線, 咁後來咪迎來新中國云云。

所以第一次聽劉遵義個名, 都以為佢係紅褲仔出身, 擁抱社會主義。點知原來唔係, 仲要搞經濟, 將中大當企業咁搞, 大興土木, 開山劈石。 佢不單要為中大創修, 近日更誓要為香港尋找經濟機遇。

今日生果話佢為咗迎接三改四, 建議拆掉U-Lib前的烽火台。諷刺的是, 當年中大師生反對四改三時, 咪又係係烽火台外集會。

Inmedia有個遵義快訊, 唔知呢單嘢會否跟進?

~ by sunfai on 十一月 17, 2008.

Posted in 城市, 社會

3 Responses to “遵義”

  1. 咦!你講起大興土木…我諗起前日工ｘ會攪遊行，大叫政府要大興土木…

    唔用神探伽ｘ略的物理推測的推論：
    遵義哥既然加入了吹水…應該係經濟機遇會，就實行履行義務，在中大大興土木，為工人找飯碗。再推論下去，佢同工ｘ會可能有關係，所以，佢個名－－遵義，就實在可能大有來頭，佢終於掩飾唔到紅褲仔出身呢個身世之謎…

    點都好，我既然唔係紅褲仔，又唔妥遵義哥，咁我反建議，不如拆行政樓，反正都係三年之嘛，三年後又搬返返來（都唔會無間道三年又三年咁啩），至多咪起過仲靚ｄ的遵義室補番數。同埋，拆完再起行政樓，工程大過拆完左起烽火台喎，其實講真就更合遵義哥大興土木的胃口。

    YIN said this on 十一月 17, 2008 at 7:39 pm | Reply

  2. [...] Sunfai 實在寫得太好－－一個已經唔識寫同唔想寫泊的人只好照樣copy and paste如下： 第一次識遵義呢, 自然係聽老爸講中共歷史上的遵義會議。據說果次會議後確立咗毛主席路線, 咁後來咪迎來新中國云云。 [...]

    燕窩 » Blog Archive » 惹火的遵義 said this on 十一月 17, 2008 at 7:58 pm | Reply

  3. 尋日睇畸寶, 阿遵義哥誓神劈願話會保留個 structure, 不過工程要一年。

    咦, 咁不如學下將美利樓搬去, 拆完皇后碼頭重建咁, 將烽火台搬去教院個運動場, 咁師生集會咪唔會督住阿遵義哥隻眼囉。

    sunfai said this on 十一月 18, 2008 at 10:51 am | Reply

Leave a Reply