情人

今日有同事問, 呀你同你伴侶咁多年, 還會否慶祝生日呀、情日節呢?

問得好。

在性別議題的框架下, 政治正確的答法當然會話’無所謂啦’; 在兩個人的關係中, 又未必這樣容易的跟對方說, 不如認清情人節與資本主義的結盟, 讓我們用行動揭示其醜陋霸道的一面。

昨晚, 伴侶打開這潘朶拉的盒, 我O咗咀, 唔知點應。於是大家就話, 各自返去諗諗再決定。回家路上, 我鼓起勇氣打電話跟她說, 不如避一避人潮, 星期六日食餐好 gea算啦。以為伴侶未必會高興, 豈料她很雀躍的話好呀, 原來下週她可能很忙, 都未必有時間應酬我。

今次係正面例子, 但肯定唔係慣例。老實講, 我自己都未必一定過到自己果關, 上年平安夜伴侶同同事去玩, 我自己酸咗都一陣子。

有幾個朋友好像在醞釀在尖東搞些東西, 挑戰一下情人節的霸權, 很有興趣想知他們會搞乜。

—————

久不久都會有人跟我說, 你是「好仔」。

聽落自然受落, 但屎忽痕時又會諗, 「好仔」imply甚麼? 大路, 傳統, 顧家, 無乜凌角?

當然, 我無乜需要諗太多, 反正我無諗住要溝死女/仔。但有時聽伴侶、朋友講其他人的奇遇, 例如咩一見鍾情, 廿幾歲拍咗十次八次拖, 四十歲仍然俾人玩, 結婚後仍有幾個女友, 兩個已結婚的朋友繼續來往等等等等………. 不禁’概嘆’「好仔」可能意味著會很風平浪靜。

話時話, 有人要, 都算還得神落啦。

廣告

~ 由 sunfai 於 二月 9, 2007.

6 回應 to “情人”

  1. 不覺得,太了解世界運作真是一種罪孽嗎﹖每年到這些[敏感]時刻,腦袋總自動關掉那些文化理論。我只是想享受一下吧。只要沒有遺忘兩個人間的關係,哪天[慶祝]沒有所謂,女仔嘛,其實男方提一提就很高興了。

    being[好仔]是平安的福氣。我看得上眼的通常都三尖八角。今天朋友問,三尖八角果個你嫁唔嫁﹖唔嫁。Dude果個你鐘唔鐘意﹖唔鐘意。我玩晒囉。

  2. 我只是懂幾咀理論術語, 了解這世界? 豈敢。我都想享受吓, 問題還是果句, 咁幾時先記起這些想法, 幾時就暫時失憶?

    幾想見吓你看上眼的, 有幾三尖八角囉。:P 總會有人幾三尖八角但又嫁得落 gea。

  3. 哈, 你這次寫對節日的爭扎呀反思呀,我又很有同感喎。我同身邊人也會對節日懶有反思反抗,但有時(可能係我o乍o下)又覺得不用這麼認真,偶而拋開包袱享受一下都可以的。不過,情人節呀聖誕節呀就真的不想出街了(平時仲唔嫌條街迫咩,等位食野可能等/搵到飽,搭車返屋企分分鐘又要企餐懵)。當然,有不想出街的想法當然可能是因為……我們根本不需要出街,留係屋企咪得囉~

    至於生日哩,最近有個念頭:其實生日真的應該答謝父母(特別係亞媽,生我咁辛苦),起碼和父母吃飯。所以我決定了:以後每逢生日,都會回家吃晚飯。(o拿,如果身邊人醒目,更加應該諗到情人生日應該請情人父母食飯,答謝情人父母養育情人之恩嘛~~~)

    今日missy親口跟我說:sunfai是好仔~ (呀,定係佢只係轉述佢有日話你好仔之後,你就寫左呢篇文呢?)

    好長添,唔講lu。

  4. Yin…….. 若果有個自己的屋企, 就易話為得多啦。你估, 街上的人, 又真係個個都咁鍾意係條街到咩?

    haha, missy 都係好女嚟 gea 😛

  5. 我大概估到miss所講的三尖八角是也那一類型,基本上也不難找,甚至係云云名blogger之一(一定不是我)。

  6. ikusei: 聽講話柏拉圖話人天生本是一對, 後來俾天神分開咗, 所以要尋尋覓一生找回自己的一半。難唔難找, 睇你點睇啦。

    三尖八角又好, 四平八穩又好, 都係睇兩個人點經營, 關係 gea 嘢, 無必勝的方程式。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: