旅遊

其實, 生活/工作與旅遊, 真扯不上關係。

很多人都問我, PK城你有無去過咩街食嘢呀? 有無去過咩酒吧呀? 有無去過睇咩景點咩呀? 又或問我係風車國有無去睇博物館呀? 有去紅燈區呀? 我一一話’冇’。我是有點’極端’的, 很少會把假期安排在出差後, 總是覺得工作是就工作吧, 放假? 回去還不是要 catch-up? 確實, 當去某地是工作時, 真的無機會接觸那麼多景點呀甚麼的。但, 其實除了旅客及導遊外, 誰又會五日內去廿個景點?

所以, 無論是超級超值的旅行團, 還是拍得好自由的 Lonely Planet, 我覺得也是同一個 spectrum上的東西。不跟團, 好處是不用被迫買嘢, 壞處是 logistics 成本高咗; 老實講, 大家搵資料, 咪又係睇果幾本書、看那幾個網站。就算是徒步旅行, 在郊野上, 又有幾多藏民可以穿起cortex + columbia 係高原上走走拍拍照?

我掉轉想一下, 我自己會不會去看摩囉街? 我一世人去多少次山頂? 廟街對我來說是甚麼? 我想我到其它地方感受’別人’生活時, 也是一樣的錯摸吧。我全不是反對旅行, 只是說不要抱甚麼幻想好了。 我就是一個旅客, 飛來四五日, 只看這些不看那些, fair enough。

最近關於「自由行」購物的問題, 最終只會是市場運作、信譽問題, 不會是文化議題。香港, 繼續紙醉金迷。

———————

當東涌富東邨的商場摺埋間茶餐廳、開返間「別府」, 我真的想屌領匯那星。但, 伴侶一言驚醒, 間「別府」是開俾遊客, 唔係俾居民。

如果你有去過東涌市中心, 也許會見過那裝修很靚的東匯城, 又有名店 Outlet, 又有大型超市, 又有意粉屋、雪糕屋, 還有個很有型的噴泉; 行多兩步就昂坪360, 搭十五分鐘巴士就到機場新開的商場。也許你甚至覺得住在東涌都幾好。

但, 東匯城的東西係攞嚟擺。行多兩步去富東邨, 無粥粉麵檔, 得一間酒樓一間大家樂, 連茶餐廳都摺埋。街市細細個, 又貴, 係得檔腸粉食得吓人。無醫院, 無圖書館, 無運動場/體育館, 無大會堂, 無橫街窄巷無人情味無社區。只有俾遊人週六週日來消遣的設施……. 顧名思義的 Outlet 城。

伴侶話, 好多年前果本《迪士尼不是樂園》都講咗啦, 我屌嚟把鬼…….. 唔理, 照屌。

廣告

~ 由 sunfai 於 四月 8, 2007.

3 回應 to “旅遊”

  1. 所以我覺得去旅行最好就坐下當地巴士/電車,找當地朋友打搞下,就會了解到當地人和事。去過那麼多中外城市,只有北京的巴士未坐過,真遺憾。

    東涌,其實逸東那一邊(近東涌道)真的幾乎被人遺忘了,只有接駁巴士才會去到,希望當區民建聯區議員真係做下野.

  2. 凱文, 有朋友接呢, 又好些……. 但有時好怕朋友當你係’旅客’咁。

    另, 點解淨係叫健仔做嘢?

  3. 但你係PK, 去過福聲唱片, 去過睇布衣, 已經好令人羡慕了。

    至於商場, shopping, 以前一家人出街shopping係一件大事, 依家領匯進駐屋村, 屋企居所樓下都會有燈光燦爛的商場。全部都是大集團, 大型連鎖店。

    有好有唔好。我好記得《天水圍12師奶》中一個家庭, 每星期只有星期日下午有家庭樂, 無錢無時間無精力離開天水圍, 一家將快樂時光投入在屋村的大型百佳。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: