泰來

細個睇卡通片, 總會跟玩伴們 (我的表兄弟姐妹們) 扮演卡通的角色。我們很喜歡踢西瓜波, 自然會扮演《足球小將》。

有趣的是, 作為驕傲自大賴係嘢的我, 當年在角色扮演時我竟然不喜歡扮主角戴志偉, 而喜歡扮泰萊。其實我現在也記不起泰萊在故事中的比重, 隱約只記得我很欣賞他球技好但又肯輔助主角的心態。現在回想, 難道有點同性戀情意結?

細個時總覺得, 叻的人, 唔一定要 show-off。其實有點是因為小學的時候自己總考唔到第一, 就很喜歡’留力’然後說自己沒盡力, 起碼自己可以安慰自己。後尾有一次五年班要報分考中學時, 竟然考到個第一, 就更 justify 咗一向的這個自我陶醉的 myth。

後尾人漸漸大, 有時要企出嚟做出頭鳥, 就都係會好懷念做鏍絲釘的感覺。所以我喜歡團隊式的運動如足球, 找到隊中自己的位置是件很開心的事; 諷刺的是, 我大學時竟然走咗去打壁球呢種一對一的運動……….. 所以, 其實我一直打得不好, 無 break through。

———————-

有時, 最令人難過是 the worst is yet to come 的那段時間。當所有壞事都像預料咁出現時, 反而覺得無乜嘢。

確實, 呢個世界係無辦法令所有人都開心滿意。若果係唔肯放低自己去理解別人時, 咁就無得好講。做朋友可以照顧多些所謂的感受, 做嘢時就只能講 ‘ i is sorry, some decision has to be made’。

不過, 否極, 自然會泰來, 正所謂:

讓這火 燃亮我吧 我滿有信心

沒苦惱 亦無懼怕 清春的火花

廣告

~ 由 sunfai 於 五月 9, 2007.

9 回應 to “泰來”

  1. 我與比自己小兩個月的表妹,由小至大的志願,都是做小職員而不是老闆。我們都說,捱夜會暈會發燒,打仗第一個死先。當然,表妹現在事業有成,是非常成功的「小職員」,那是後話。

    是職員,就要明白自己是職員的位置。個個有得揀,你估邊個係老闆﹖

    每到一個階段,少不免要加倍承擔責任。我每每怨三怨四的時候,爸爸就半開玩笑半鐵著臉說︰「你要鍛鍊。」(無論是鍛鍊洗碗或者鍛鍊落街買下午茶)開始時的難以負荷,我希望/相信不過是正在磨練技術。雖然會是性格使然,最後也總會「熟能生巧」吧。

    亂說了, 還容海量包涵。

  2. 查實我唔多明點解人們喜歡看足球小將(:p),一場波踢成個幾星期,講多過踢,超現實的進攻又覺唔係呀嘛。我小時候已經無童真同幽默感了。也可以說,我小時候已經看真足球,還是利物浦迷!所以點會鐘意睇足球小將…

    對呀,叻的人,不一定要show-off,也不一定站在前線…其實我最喜歡這些人…講真,金庸小說裡,我最喜歡的人物不是主角,而是主角的父親呀,師父呀(師父點可以唔敬仰呢呵…)…講明先,我唔係鐘意岳不群,而係風太師叔。

    唔知講左去邊添。

  3. YIN:
    我正話中年up phone,打好了想post出,failed, 是response misslee and sunfai 兄的,重想話sunfai 說的oi man restaurant幾正,我食了波羅油,
    (我打字super慢!)

  4. yin君, 我都係利迷喎, 不過我同樣鍾意當時的足球小將, 反正我睇漫畫,無咁耐架一場波…….

    晨輝,泰萊(日文原著名叫押太郎)的比重,在小學篇係好重要的,整個全國少年大賽佢都係戴翅偉(應該係翅偉,唔係志偉, 因為佢日文原著名叫大空翼)的最好拍檔,所有波除非係翅偉自己一個人扭到阿媽都唔認得而入之外,一般都係佢助攻的.而所有面對勁龍門的入球,就幾乎無可奈何地都要借泰萊一用:林源三(若林源三),健威(若島津健),希林迪(意大利龍門)同迪打梅拿(西德龍門).都係要兩條友一齊交黎交去fake對手先入到.

    中學篇就閃左,因為有佢加翅的南葛就太勁,小志強(日向小次郎)無位可上,所以佢同源三都要離日.世界少年大賽基本上都係咁,無佢,又係無法成功贏到冠軍.不過,少年大賽決賽,世青佢都受重傷.

    而家踢奧運隊,佢係中場三M主力(三M即係泰萊,松山及三杉淳,三條友個名第一個字都係M).算係特登俾返佢上位架喇

  5. 漫遊者:
    咳咳,梳理,我忘了有漫畫添…咳咳,我看利記時,還是杜格利殊當領隊的。但其實,我差不多兩年無睇過一場完整的英超了…

  6. 我同d表姐妹係扮美少女戰士架
    男同女,果然係壁壘分明

  7. 李小姐:
    he, 個個都係老板, 個個都係我老板。
    又, 你老豆幾過癮 :P。我老豆呢, 成日就笑笑口咁話我唔盡力囉, 但都唔知係贊我定鬧我。
    又又, 你俾面亂說, 我何等面子? 多謝光臨, 小生有禮。

    Yin:
    er….. 駁故無故講喎。
    又, 我寫得出話叻的人唔駛 show-off, 明顯就是在 show-off。幾虛偽吖!

    dbdb:
    寫咩文都得 gea, whatever you like lar 🙂
    又, 愛民係好得gar!!

    漫遊者:
    嘩, 多謝資料補充! 等我仲以為無線的配音有問題, 總讀唔清個"志"字。
    又, 你講果3M, 都係果種好波但又唔會搶主角的角色, 比起小志強同戴翅偉都要討好。

    艾米:
    唔通我扮"我係小忌廉", 又大大聲咁分享咩。

  8. Yin君:我大約都係嗰個年代開始睇利記,直到而家都係,呢幾年,利迷睇英超係有d失意,所以我睇歐聯……hahaha

  9. 唔好柴台呀,本周好似旺角場有本地2場semi-final睇,查實我無人過旺角場,唔知,突然間有D想去睇bor,抵睇呀嗎….不見即散!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: