豪

 

又一年退修, 老爺提我, 已經第四次了。

每次的退修, 地點不同, 參與人數不同, 側重點不同, 但有一樣嘢相同的是, 退修後大家的士氣或多或少都有點 boost up, 多多少少都想幹番事業。

令人很高興的是, 作為小頭目, 同事們積極迎接挑戰、主動尋找自己在機構內外的位置, 讓我的擔心一掃而空。

膽大心細, 是砍拼的要點。 我倒不怕豪氣的講一句, 長江以南都是可能的戰場, 怕只怕我們只有大口氣、卻無落實的能力。

係呀, 大家 on your mark, 要 Go 的了。

——————–

最近支出甚大, 是有點 abnormal。同事們見狀, 竟戲稱我很豪。

和家妹分享, 大家都覺得, 我們在某些方面很受母親影響, 用起錢時’比較’豪爽。阿媽經常不肯承認她煮餸水準很高, 但我和妹妹都覺得因為住家飯的太好吃, 令我們變得很挑剔。

阿媽話, 她煮飯其實隨心, 但最緊要材料新鮮。確實, 阿媽有時買餸好似唔睇價錢咁, 總之要新鮮; 但很多方面, 她其實還是挺慳儉的。佢成日話, 若果佢再慳 d, 可能可以儲多很多錢。在這方面, 她對我們影響頗大。

而我自己也差不多, 有些衫褲鞋襪可以穿十年八年, 但有時卻又很大花筒。我這種人, 不懂賺錢, 不願投資, 卻很捨得洗錢………. 樂觀的睇可以話係無必要 delay 使錢的滿足感, 負面的睇咪擔心吓收尾果幾年囉。

~ 由 sunfai 於 15 九月, 2007.