中心

今日明報世紀版有篇李智良的文, 寫天水圍。

內容沒細看, 反而是個 lead 令我想起尋日在大埔道上開快車趕回中大時, 商二一個節目的主持人的頂心對話。

個主題, 大概係如何不離開香港也有旅行的感覺……….. 主持人, 很後生的女仔吧, 操著懶音, 有些觀點還OK。不知怎麼突然說起了去屯門天水圍也有旅行的感覺。

果個咁 gea 死靚妹, 一句"唔知屯門、天水圍"係邊, 一句"坐巴士去屯門同去台灣一轉差唔多"。小喇叭你話, 香港, 得果一千平方公里, 咁大聲的話自己唔識新界西係邊, 我係小你地理唔好吖, 定小你脫你地鐵沿線就唔識做人吖, 定小你抱殘守缺呀? 香港仲有不毛之地? 唔好玩啦。我呼籲, 所有屯門天水圍元朗的居民, 罷聽商二!

如果我們相信視野會影響人的襟懷, 那新界的朋友有福了, 因為那裏還見到天空飛鳥, 抬頭不是只看到招牌及大廈。

早前出席個咩泛民的民主論壇, 果個咁 gea ‘專業聯盟’, 條 banner 上面寫著香港民主發展叉叉叉, 但係幅圖就只得香港島。我真係好想問果個"Bar Code"頭, 係咪坪輋的村民就唔駛民主? 係咪藍地的人不需要討論普選?

Anyway, 若果認清形勢, 我們知道今日最方便的、發展潛力最大的, 唔係迫到爆煲的中區, 而係香港的西面。你可以繼續係廣播道開咪吹水, 放工攬住個 timesquare, 但我亦可以繼續享受(多幾年)沒有地鐵的西環, 放工飛車廿分鐘到元朗食B仔涼粉, 再過埋黃崗去書城加浴足到仲得。

廣告

~ 由 sunfai 於 十月 28, 2007.

3 回應 to “中心”

  1. 上周六見你日月報呀

  2. 唔好對啲淺薄嘅人大騖小怪啦,呢啲人通常會扮謙虛/唔知/唔做某的嘢嚟暗示比人知自己與眾不同或高人一等,例如:

    我唔喺好識中文㗎 (我英文好勁)
    我唔睇電視劇㗎 (我欣赏品味好高)
    我無特區護照㗎(我有外國籍)

  3. 沒有答案
    因為全世界都想把自己變成中心
    一個雲南鄉鎮把政府大樓建得像天安門
    台北101大樓把市中心都遷到東區
    澳門威尼斯人造就了氹仔路環不再是兩個島
    打造中心成為了發展的主軸
    人的力量巨大,但也令人不寒而慄!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: