展覽

忍唔住都要寫一寫。

每星期我都會回老家吃一頓晚飯。飯後坐車回灣仔, 行經駱克道時總見到這家舖頭, 總有點好奇想了解一下。

好喇, 家吓要頹裝新居, 咪膽粗粗兩條友行入去睇睇, 當逛宜家咁。點知一入到去, d 伙記個個都著到無間道咁, 一個二個戴哂耳機, 把口就叫你隨便睇, 實情就睇實你行到邊。地下果層無都係 d 貌似電話 gea 花灑加蓮蓬頭, 係就係幾架勢, 亦未留意價錢。

上到二樓, 唔對路, 一個水龍頭八九千蚊; 果然個對眼生係額頭的sell屎走過嚟介紹廚櫃, display 果 set, 乘惠三十五萬。好彩我地忍得住, 好有稔持咁就行開咗。上到三樓, 知到唔係路, 就當睇展覽咁睇一 d 大到可以劏牛的企缸, 有無數不知名功能的浴缸 (裝係天台果挺), 再加上數以十個七八千蚊一個的水龍頭。臨走, 見有個裝肥皂的擺設幾靚, 一睇, 一千四百蚊。

我簡直覺得, 這就是一個富豪家的展覽館。不知富豪的浴室同屎塔, 係咪個個都勁到曉飛呢?

各位, 週六無地方去, 實在值得睇睇呀呢間舖。

廣告

~ 由 sunfai 於 三月 22, 2009.

2 回應 to “展覽”

  1. 呢間?我都有入去見識過,真係連價錢都唔敢問…
    查實香港有幾多間屋…放得落甘既浴缸呢….?
    我上次去,仲見到粱家輝,佢都係入去兜左個圈就走左jae ma…:P

  2. 會唔會長期一折?

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

 
%d 位部落客按了讚: